A BIN SALI NA CLA CU DELIBERADAMENTE NAN ENTREGA KEHO BASA RIBA FALSEDAD..
Siguiendo e proceso di denuncia entrega contra di Edmond Croes, dor di miembronan di Crisisteam, Rino Hermans y Maureen Volkswagen, nos a compronde cu awe ta toca na Sr Edmond Croes pa haci un contra denuncia.
E denuncia di Edmond Croes a wordo basa riba “valse aangifte” of “valse klacht”, unda e dosnan aki, conspira cu otro, pa lansa acusacion falso contra Croes, APESAR cu nan tabatin e prueba den nan man.
E acusacion falso ta sinta ora cu nan a insinua cu Edmond Croes den su programa di radio lo a bisa cu dia 24 febuari, nan lo a saca pistol pone na cabes di hende den e reunion y Maureen Volkswagen a bay mas leeuw di insinua cu a ser bisa cu a saca cuchui pone na garganta di hende.
NAN TABATIN E AUDIO TAPE, NAN MES A ENTREGE NA POLIS:
Loke a bolter e caso ta e hecho cu Rino Hermans mes a entrega un audio tape na polis. Esey te prueba di mas grandi pa desenmascara su klacht. Den e tape ey, Edmond Croes nunca a bisa cu nan a saca pistol pone na cabes di hende, pero a bisa cu tabata “comosifuera” a saca pistol pone na cabes, enfokando asina cu tabatin un precion enorme cu a wordo poni. Croes a usa e palabra “comosifuera” un cantidad di ves y te hasta a tuma un pause, a hala rosea, e radio a keda den silencio, y djey el’a sigui y a bisa: “no letterlijk”. Hilaricamente ta cu Rino Hermans mes a hiba e audio tape na polis. Pues e no por laba man cu “hende a bise” of “el’a tende caya ta papia”.
KEHO DI MAUREEN TA A BASE DI REDASHI:
Maureen kier a hunga mas sabi, pasobra el’a entrega keho, basa riba “hende a contami”. “Ma conpronde”. Pero e tampoco por core pa loke el’a haci, pasobra e carta di Rino Hermans ta igual na e carta di Maureen y nan a acudi hunto ora di entrega keho, pues mes un fecha y mes un horario, e audio tape, tabata den nan poder y na nan disposion e momento ey. Apesar cu bo tin acceso na e berdad, toch ba dicidi di entrega un keho falso, pone un mentira den un keho, estilo redashi, “hende a contami”, “ma compronde”. Kico ta bo afan? Kico ta bo meta? Ken bo kier gaña?
Carta di abogado Bryan Koffie ta prueba palpabel cu Rino Hermans y Maureen Dirks a gaña riba Edmond:
Es mas, a bin cay den nos box, un carta cu abogado Koffie a manda contra Crisisteam y contra e reunion di dia 24 di febuari. Un carta masha pisa, unda ta dobbel confirma, cu tur loke Edmond a trece den su noticia na Top 95, ta basa riba berdad. Dvg cu ta miembro di Crisisteam a haya e carta aki y aparentemente Prome Minister tambe! E carta di abogado Koffie ta papia di “misbruik van omstandigheden” en “bedreiging”. Tambe ta skirbi cu un politieagent, a bay asina leeuw di insulta algun persona, “beledigen en ruwe beledigende taal”
Cu e carta di abogado Koffie cu a lek y a yega na Edmond Croes, ta e prueba palpabel cu Crsisteam ta hinca den un callejon sin salida y cu e klacht contra Edmond Croes ta falso.
Consequencia ta cu polis Maureen Dirks hoort het beter te weten y mando policial mester bay cay aden pa atende cune riba su acto indebido como un polis di rango halto.
