Den un declaracion haci na un otro medio, Rino Hermans di Crisisteam a declara cu tin un widespread di e virus riba nos isla. Adicionalmente ta informa cu no por saca afor ta di unda e contagionan aki ta saliendo.
Bisando esey, ta trece nos na e punto cu henter e strategia di contact tracing a cay den otro y DVG ta perdiendo e bataya contra covid na Aruba.
Cu e situacion di covid cu ta for di control na Aruba actualmente, Hermans di Crisisteam y Sharline Koolman di Dvg no por rindi cuenta ta di unda tur e contagianan ta saliendo, pasobra nan no sa of no por haya sa. Ningun hende sa ta unda nan a contagia! Pues ya no por hasi contact tracing.
Actualmente ora bo acudi na cualke sitio na Aruba, nan ta exigibo pa yena nomber, faam, adres, telefon etc etc. Sinembargo esaki awor a bira pa “pret”, pasobra e informacionnan aki kisas lo no wordo usa, debi cu no sa ta unda e contagionan ta tumando lugar.
Si nos por yama e contagio di ultimo dianan como e di tres ola, nos por compronde tambe cu e ola aki ta “widespread” y “out of control”.
Pues nos a drenta den un situacion cu e virus ta atacando Aruba, y nos no sa ta for di cual huki e ta saliendo.
Un situacion masha peligroso, y mas precupante ta cu e vacuna no ta reacciona cu varios variante di covid. Pues maske cu bo ta vacuna, e no ta protehebo pa e variante di Inglatera.
E parti mas peligroso ta cu hopi hende ta hayando covid y mientras nan ta cuidando tur dia y cada minuut. Toch e ta pasa den tur e mannan laba, y mondkapje drenta paden serca su victimanan.
