E ta un yamada pa nos permanece firme na e libertad cu Hesus ta duna nos y no bolbe somete nos na e yugo di sclavitud. Nos no por pensa di gana e fabor di Dios pa medio di ritualnan of normanan externo. Asina nos ta separa di Hesus y ta keda desconecta di e gracia di Dios.E creyente berdadero ta warda e husticia divino guia pa Spirito Santo pa medio di fe cu ta algo valioso actuando a traves di amor. Manera e fariseonan den e Evangelio cu ta preocupa mas pa e ritualnan externo di purificacion cu e limpiesa di nan propio curason.Pasobra ta Dios a crea nos curpa cu nos por wak pero tambe nos alma y e intencionnan di nos curason. P’esey Hesus ta indica cu e berdadero puresa nos ta demostra entregando loke nos tin paden cu amor a traves di caridad y ayudo desinteresa na nos prohimo loke ta purifica nos bida. Hesus ta siña nos cu e fe no ta consisti di cumpli cu reglanan externo pa impresiona hende sino den un transformacion profundo di nos consenshi.
Oracion: SEÑOR nos Dios, laga nos tin un curason manera di nos Mama Maria pa mundo henter por converti na Hesus. Pasobra si Hesus haci nos liber, nos lo ta liber di berdad. Amen.
