Diamars dia 1 di September tawata dia di Prensa,
Bolbe pone nos tur como lector pensa
Riba nan trabao tin biaha duro y dificil
Relata sucedidonan alegre, informativo, educativo y of doloroso cu no ta facil
Decisionnan tuma pa publika of no publica
Kiko nan tin di perde ?
Noticia cu ta dura un dia
Noticia cu ta dura mas largo
Noticia na interes di pueblo
Noticia cu por ta redo?
Awendia masha poco conferencia di prensa
Ta djies manda un comunicado cu tur informacion
Digitalmente, cu no ta wordo lesa pa tur nos grandinan
Ta corant di papel tin nan debido atencion
Nos adultonan mayor ta prefera un corant di papel den nan man
Manera tawata e caso cu nan antepasadonan
Periodista profesional na Aruba ta schaars
Awendia tur cu hanya e chens por drenta e ramo ey sin diploma certifica
Ta dispuesto mester ta pa core rond aki aya
Wak kiko ta bon of na unda a faya
No ta tur por duna e dos banda di e medaya
Di e storia cu no ta na nan interes,
Danki Dios cu Aruba tin ketobay Diario , Solo y Extra Bonaire pa nos lesa
Sin kibra cabes pa sigi primi aki aya ora e pantaya di bo celular faya
ora bo ta sinta un caminda den caya
Awe, ami Ruthy Lady Ruth, ta felicita tur e periodistanan trahando den Diario, Solo y Extra Bonaire cu ta fiel na nan lectornan adulto mayor tur dia di siman
Y pidi Creador di Amor mas bendicion pa nan
Nos tawata hanya cooperacion di algun prensa digital den pasado, pero nan no a sigi publica nos relatonan pa motibonan conosi pa nan y pa nos
Nos a comprende y accepta nan decision
Muestra di prensa sin curason pa adultonan mayor ?
Nan ta focus talbes riba hobennan eyfor cu ta kere tur cos ariba facebook y cosnan on line ?
Danki Dios cu ta hopi tin ainda cu por pensa pa nan mes y huzga pa nan mes y scoge e bon y e berdad.
All in all, lieve hendenan den prensa,
Pabien cu boso dia cu atencion duna na boso
Den boso trabao hopi goso,
Cu consenshi y curason
Boso trabao semper lo ta bon.
Cu atencion y curason profesional,
Manera boso : Boi, Nilton y Lia no tin nan igual !
Bosonan ta destaca den boso profesion na maneranan special.
Un bearhug den e pensamentonan poetico aki di Ruthy Lady Ruth.
Dia di Prensa
1 September 2026.
Aruba.
