Diaberna ultimo COA tabata tin e placer di ricibi bishita di Minister di Deporte, Sra. mr. Gerlien Croes. Durante e reunion aki a duna un splicacion amplio di kico tur COA ta haci y nifica pa tur federacionnan, miembro y atletanan cu ta representa Aruba na eventonan multideportivo. Manera e weganan Panamericano Junior ASU2025 cu lo ta tuma luga den algun siman. Banda di esaki, a conta di e trabounan cu ta haci pa cu e educacion di e balornan Olimpico y e concepto di Olimpismo.
Minister Gerlien Croes a conta un poco di tur e trabounan cu ta andando pa cu deporte y kico tur e plannan ta a corto y largo plaso. A base di esaki, a mira unda tur lo tin posiblilidad pa colabarion y asina tambe mira otro instancianan deportivo pa asina traha hunto na bienestar di deporte.
Comite Olimpico Arubano ta gradici Minister Gerlien Croes pa e reunion ameno y ta contento pa tende cu ta desea di traha hunto, pensando riba ideanan positivo pa engrandece e mundo deportivo na Aruba.
