Director di airport Joost Mejis lo ta den su dianan final como Director ( CEO) di Aeropuerto, despues cu el’a entrega su retiro y kier busca horizontenan nobo. SOLO DI PUEBLO ta dese’e tur clase di exito. Ta yega ora si, cual ta bon momento, pa nos hendenan local por subi di posicion y ocupa e puesto aki. Pa hopi añas nos tabatin directornan manda di Hulanda. Nada contra nan. Nan a yuda nos pone airport riba pia. Masha danki!!! Pero, ta yega ora si cu nos mester aprecia y valora nos propio hendenan. SOLO DI PUEBLO ta haci un yamada fuerte pa Arubianonan cu tin capacidad pa maneha airport, pa cuminza laga nan interes resona. Nos no ta bisa cu Schiphol Group mester bay, sino cu nan mester reconoce nos hendenan tambe. SOLO lo keda vigilante riba e desaroyo aki y ta haci yamada pa hasi todo por todo pa nos hendenan por ocupa funccionan importante. Nos ta kere cu nos hendenan por y nos sa cu nan por.
Actualmente tur compania estatal ta wordo maneha pa nos profesionalnan local cu excepcion di nos aeropuerto. Aruba tin hendenan capaz cu nos ta sigur lo por maneha nos aeropuerto.
