Gobierno a emiti un splicacion riba e logro historico, unda cu pa promer ves Gobierno ta logra cubri tur su gastonan y ainda resta 60 miyon. Kico lo bay pasa cu e 60 miyon? Esey lo wordo usa pa paga debe di Mike Eman. Mas liher paga e debe, mas liher nos reduci e gastonan di intrest cu ta casi 300 miyon pa aña. Gobierno a splica cu den promer mitad aña, ya caba a logra paga 35 miyon florin. Anteriormente ora un debe caduca, gobierno ta crea un otro debe, pa haya e placa pa paga e debe cu a caduca. Pues, nunca a baha e debe. Awor ta pomer ves cu a cuminza paga bek.
