Un adolescente di 15 aña a wordo asesina pa cuater mucha muhe di entre 12 y 14 aña di edad den e ciudad di Lake Charles (Louisiana, Merca).
E hecho a tuma luga banda di 7’or y mey (ora local) di diasabra ultimo den un supermercado. “Tabata tin un pelea entre varios mucha muhe den e tienda.
E victima a wordo hiba na un hospital local, unda cu el a muri despues,” e Oficina di Sheriff di e Parokia di Calcasieu a comunica, agregando cu e cuater sospechosonan a wordo aresta y ta den un cento di detencion hubenil.
Den un conferencia di prensa, sheriff Tony Mancuso, a resalta cu ta trata di e di tres asesinato den e localidad cu ta envolvi adolescentenan den e ultimo seis lunanan.
“Nan ta bin di tur origen, di tur rasa. Nos ta sinti cu nos tin un problema den nos comunidad cu nos mester enfrenta y aborda,” el a declara.
“Como sociedd, nos no por tolera e comportacion aki,” Mancuso a conclui.
