Minister di Salubridad di Aruba, Corsou y Sint Maarten, hunto cu Secretario di Estado di Ministerio di Salubridad, Bienestar y Deporte di Hulanda, a reuni diahuebs 20 di november 2025 na Sint Maarten pa Consulta di Cuatro Pais tocante Salud Publico. E dialogo anual di halto nivel aki ta sigui di ta un pilar pa gobernacion di salubridad coordina y desaroyo conhunto di maneho den Reino Hulandes.
E consulta di e aña aki, e prome desde 2023, a trata e desafionan comparti di salud publico y e oportunidadnan strategico pa un colaboracion regional mas profundo. E agenda a basa su mes riba area prioritario cu ta inclui:
- Fortificacion di cuido di salud transfronteriso y preparacion prome cu pandemia
- Fortifica capacidad di respons prome cu crisis y desaster
- Acerca iniciativa conhunto den salud mental, prevencion y promocion di estilo di bida saludabel
- Mehora continuidad di cuido, desaroyo di forsa laboral, y training di capacidad den henter sector di salud.
Resultado
Pa loke ta trata preparacion prome cu pandemia y e lucha contra enfermedad infeccioso, e cuatro paisnan ta di acuerdo cu desaroyo continuo di Dutch Caribbean Public Health Expertise Network (DuCaPHEN). Asina ta reforsa e compromiso comparti cu intercambio di experto y coordinacion regional den area di salud publico. E paisnan tambe a reafirma nan intencion di traha pa legislacion harmonisa di salud publico den tur parti Caribense di Reino, cu atencion especial pa area di cuido involuntario di salud mental y referencia transfronteriso di cliente di salud mental.
E cuatro paisnan ta tuma medida pa mehora preparacion prome cu crisis, locual ta esencial pa garantisa cu Reino por responde di manera coordina y eficas pa cualkier crisis di salud.
Compromiso colectivo
E consulta, organisa pa Ministro di Salud Publico, Social Development and Labor of Sint Maarten, a conclui cu firma formal di conclusion cu ta subraya nan compromiso colectivo pa fortifica e sistemanan di salud publico y colaboracion den Reino.
Ministro Richenel Brug (Sint Maarten): “E acuerdonan di awe ta refleha nos determinacion comparti pa construi un sistema di salud publico resiliente, receptivo y colaborativo pa hende di nos islanan. Fortifica e aliansanan aki ta esencial pa salvaguardia salubridad y bienestar den tur parti Caribense di Reino.”
Ministro Roderick Middelhof (Curaçao): “Un sistema di cuido di salud solido ta basa riba preparacion, prevencion, bienestar mental, calidad y un forsa laboral capabel. Comprometiendo nos mes hunto cu e principionan aki, nos ta fortifica nos resiliencia colectivo.”
Secretario di Estado Judith Tielen (Hulanda): “Pacient cu mester di atencion compleho di salud mental ta entre esnan mas vulnerabel. Nos ta tumando un paso padilanti pa nan fortificando servicio di salud mental pa tur den Reino. Cu nos esfuersonan conhunto, nos ta crea un alineacion entre nos leynan y regulacionnan den area di cuido involuntario di salud mental. Mi ta sinceramente agradecido pa disposicion di cada pais pa yuda ofrece e servicionan aki pa pacient di isla unda ainda no ta existi e atencion ey.
Ministro Melvin Wyatt – Ras (Aruba): “Mi kier reconoce un momento importante pa Aruba. Nos ta sinti nos mes honra di asumi presidencia di Consulta di Cuatro Pais pa otro aña. Ta un responsabilidad cu nos ta asumi cu compromiso y orguyo. Nos ta spera di acoge proximo sesion y continua e trabou cu nos a avansa colectivamente awe. Aruba lo esforsa su mes pa sigui stimula colaboracion, innovacion y unidad den Reino – semper guia pa conviccion cu un Reino mas saludabel ta, sin duda, un Reino mas fuerte.”
