Diamars un tiki prome cu merdia pa 11:54 am central ta wordo notifica di un accidente na de La Sallestraat na unda un meneer di edad a bira malo y a accidenta y no ta reaccionando. Ta despacha polis y ambulance na e sitio di e sucedo. Polis ta yega na e sitio y enberdad ta topa cu e chauffeur den e auto y no ta reaccionando. Ambulance ta yega na e sitio y ta brinda assistencia medico pa e chauffeur pero lamentabelmente no por a haci nada mas pe.
Dokter Voskuil ta presenta na e sitio y ta constata morto di Orlando Edmund Lo-Fo-Sang naci na Surinam 10 september 1951 (74 aña). E accidente aki no ta conta como morto den trafico mirando cu e chauffeur a fayece dor di problema di salud y no pa motibo di trafico. Cuerpo Policial ta manda palabra na famia di e fayecido.
