Den Hebreonan 13:5 ta para scirbi: Nunca lo Mi bandona bo y nunca lo mi laga bo desampara.
Esey ta locual Dios ta bisa nos , pasobra e relacion cu Dios tin cu nos ta algo hopi profundo.
Den Juan 15:5 Hesus ta bisa esun cu keda den Mi y Ami den dje lo duna hopi fruta, pasobra , separa di Mi boso no por haci nada.
Laga e pas di Dios goberna den boso curason,pa cual di berdad boso a wordo yama den un curpa.( Colosensenan 3:15).
Hose a prefera di corre bay sunu , y no haci pica contra Dios.( Genesis 39:11-12).
Den Daniel 6;10 Daniel tabata demostra di risca su bida pa e haci oracion na Dios, asina tanto reverencia , respet, amor , y temor di Dios , Daniel tabatin.
E respaldo cu nos tin di Dios, ningun ser humano no por duna nos e, ora tur hende corre bay laga nos, Dios tey semper pa nos. Y e ta demostra esey cu su presencia den nos bida.
E amistad di Dios no ta algo cu nos tin puntra na unda E ta, alcontrario nos ta sinti cu e tey, y nos ta mira su man move den nos bida, cada dia ..
Nos Dios ta lus y den dj’E no tin ni sombra di cambio, e ta poderoso, misericordio, y e conoce su carnenan, y nunca e ta laga nan bandona.
E testimonio ta esaki, cu Dios a duna nos bida eterno,y e bida aki ta den Su Yiu. Esun cu tin e Yiu tin e bida,esun cu no tin e Yiu di Dios no tin e bida.( 1 Juan 5:11-12).
Pa medio di esaki, e amor di Dios a wordo manifesta den nos,cu Dios a manda su Yiu unigenito den mundo, pa nos por biba pa medio di dj’E.
Laga nos tur corda cu ta Dios a stima mundo asina tanto cu E a manda Su unico Yiu pa nos salbacion.
Laga nos corda e balor cu nos tin den bista di Dios, y comporta nos mes bon, y stima nos prohimo, no laga maldad y mal influencia goberna nos curason.
Y corda bon ken nos ta di acuerso cu Juan 1:12-13 bisando: Ma na tur esnan cu a ricibi’E , na nan e a duna derecho, pa bira yuinan di Dios,esnan cu ta kere den Su nomber, cu no a nace di sanger,ni di e boluntad di carni,ni di e boluntad di hende,ma di Dios.
Pasobra tur esnan cu ta wordo guia door di e Spirito di Dios, esakinan ta yiunan di Dios.( Romanonan 8:14).
E amistad di nos cu Dios, a bira un relacion, un intimidad, un comunicacion, cu e enemigo ta envidia, pasobra ora nos papia Dios ta scucha nos, y ora Dios papia nos ta scucha Dios.
Nos comunicacion den oracion cu Dios ta algo maraviyoso, pasobra tur momento su oido ta atento na nos clamor, tur momento E tey pa contesta nos peticion.
Locual Dios ta pa nos , nada den e mundo por wordo compara, cune, pesey nos mester libra nos mes di tur clase di idolatria, imoralidad, malicia y impuresa, y pone nos bista riba Cristo Hesus, pasobra ta den dj’E nos tin speransa pa tur cos.
No ta pornada tin para scirbi den Juan 3:36: Esun cu kere den e Yiu tin bida eterno,ma esun cu no obedece e Yiu no tin bida, ma e furia di Dios lo keda riba dje.
Nos tin seguridad, pa yega dilanti di e Tata, pa medio di Su Yiu.
Sinceramente, Pastor Marcel Balootje.
