Un cuidadano a expresa su mes riba social media, unda e ta exigi claridad di WEB.
E keho ta bisa: “No tuma mi na malo. Esaki ta un pensamento di un persona cu su capacidad intelectual ta hopi abou di nivel.Mi a ripara cu aki na Aruba hopi hende ta haña cancer, i hopi ta muri tambe di cancer. Mester tin un motibo spesífiko cu esaki ta pasa.
E cuidadano a sigui skirbi: “Mi ta kere firmemente cu a yega e momento pa WEB cuminza cambia tur su tuberianan bou di tera. Nan ta demasiado bieuw caba i posibelmente ta contene tur clase di bacteria. No cuminza bisa cu esaki no ta berdad sin un investigacion serio. E unico manera pa sa sigur ta pa un laboratorio of compania renombra mundialmente bini Aruba pa hasi un survey riba e awa. Si e test ta pasa den WEB mes, naturalmente tur cos lo sali “bon”. Pero bai tuma muestra di awa for di e tuberia na Mabon, i bo lo mira cu e tubonan di WEB bou di tera ta hopi bieuw cu ta data di tempo cu Cristo tabata na mundo.”
“Nan ta kontamina cu bacteria, i e situacion aki mester wordo tuma na serio.Un oncologo Colombiano a bisa cu e porcentage di hende cu cancer na Aruba ta mucho mas halto cu esun di Colombia, caminda tin miyones di hende. No ta etico pa mi menshona su nomber, pero ta cla cu Aruba cu apenas 110.000 habitanten mester wak serio riba e situacion di nos awa.”
Finalmente e cuidadano a bisa: E awa di WEB por ta e enemigo silensioso cu ta fregabdi nos salud. Por fabor, no bisa cu mi ta papia manera un hende loko — esakk ta un alarma pa nos pueblo.”
