Dialuna mainta Minister President di Curacao Sr. Eugene Rhuggenaath a anuncia cu Curacao lo drenta un lockdown mas severo. E cantidad di casonan a dispara na Curacao den ultimo dianan. E medidanan ta entre otro cu tur hende mester keda cas y traha for di cas. Excepcion ta wordo haci pa servicio vital. Diadomingo autonan no por core riba caminda. Den ultimo dianan, e contagio na Curacao a subi drasticamente. Construccion ta keda considera proceso vital, y construccion por sigui. Tur restaurant y truck di pan por traha cu delivery solamente. Pa tur e excepcionnan mester aplica na un portal web, pa haya permiso.
Scolnan lo keda habri, pero lo bay amplia informacion riba esaki mas den siman, pasobra ta deliberando cu e sector aki.
Anochi toque de queda lo keda mescos.
Tur gym, sala di deporte, deporte den grupo ta keda cera of cancela.
A cancela baymento di lama.
Tur cuidadano mester keda den nan bario, y no por sali for di nan bario, pa bay trafica den otro bario.