Un dushi dia di famia awe Den Centro di Bario Dakota Nan dushi fiesta a cuminsa Celebra den fin di siman dilanti plaza Cafe Na Reinassance Diasabra anochi, Y cu un ceremonia bunita Den Centro Diadomingo mainta Ta tende e dushi musica ta skeiro te na mi cas Dunami gana pa bay celebra cu nan pero e salud ta preveni esaki ya fey mainta tempran Pesey mi dedicacion den e forma simpel aki Cu amor y atencion pa nos Prohimonan di Bonaire Un pueblo yen di bendicion Awe cu nan dushi cancion Den curason Nos ta celebra cu nan Nos ta contento cu nan Y nos ta brasa nan Den bayle alegre di Sehu y Simadan, Diadomingo atardi tempran Pa motibonan fuera di su control, Lady Ruth no por a join y bayla swing cu nan Riba dushi ritmo contagioso cu ta inspira Pero si para cant’i caminda Y cu nan bida celebra Sinti nan dushi alegria Nan dushi musica den harmonia laga e curpanan expresa, e mentenan relaha Na maneranan contento Gradici Creador pa cada momento , cu nos isla ruman Boneiro den centro Nos ta un famia grandi di e islanan ABC pa eternidad Nos ta hendenan cordial cu hopi talento y amabilidad Cu amor y pasion pa nos dushi y impactante cultura, Pabien Dushi Boneiro cu boso Dia, Cu bon Dios su guia dia pa dia, cu su proteccion y amor por dura Pa semper den su lus Cargando nos mesun crus Y brasando otro schouder cu schouder sigui yanga Sigui swing y move e heupnan links rechts links rechts, pianan firme dobla gestretched ripiti e movecion cu emocion Awe cu e bayle di paz, gradicimento y alegria Ta celebracion di Boneiro su Dia !! Ruthy “Lady Ruth” September 2025
