Campeonato di NFL ya a inicia algun siman atras, tabata tin varios wega interesante caba cu a tuma lugar y e wega di siman a tuma lugar dialuna anochi unda cu Dallas Cowboys a enfrenta Philadelphia Eagles.

Ambos ekipo a yega e wega aki cu record di 1 wega gana y 1 wega perdi.

Den prome quarter, ekipo di Dallas Cowboys ta logra anota 2 touchdown y ta score tambe 2 extra punto, mientras cu Philadelphia Eagles ta score 1 touchdown y 1 extra punto.

Den di dos quarter Dallas Cowboys despues di a hunga un serie di pasonan elabora ta logra anota 1 touchdown pero ta faya extra punto.

Prome mitar ta bay den descanso cu score di 20-7 na fabor di Dallas Cowboys.

Den di tres quarter Dallas Cowboys y Philadelphia Eagles tabata tin bon hugada, y ambos ekipo ta logra anota un touchdown y tambe nan extra punto.

Den e ultimo quarter, Dallas Cowboys a sigura e victoria anotando dos touchdown y nan extra punto mientras cu Philadelphia Eagles ta logra anota un touchdown cu extra punto.

Score final di e wega aki a termina 41-21 na fabor di Dallas Cowboys cu a mustra di tin un ekipo basta solido e aña aki y ta logra nan di dos victoria den e temporada nobo aki, mientrs cu Philadelphia Eagles ta cay na di dos derota den e temporada aki.

LEAVE A REPLY

Please enter your comment!
Please enter your name here