Diasabra merdia den un calor intenso polis, brandweer y ambulance a sali direccion di Hato pa un auto cu bolter y tin hende pega.
Tawata algo pasa di 2’or di merdia cu un Toyota Vitz maneha pa un dama a perde control y bay bolter den e greppel pazuid di caminda.
Manera e cu e auto a keda, tawata difícil pa saca e dama y pa e motibo aki brandweer a wordo avisa. Esaki a sosode algun cien meter pabou di Kazerne na Tanki Flip.
Den algun minuut a corta e auto y saca e dama, cu tawata na tino pero den dolor inmenso. Paramediconan mesora a tume over y hink’e den ambulance pa hib’e Hospitaal.
Polis di trafico y Forensys a presenta. E auto mes a keda total los.
