Diahuebs marduga algo prome cu 1’or a sosode un accidente riba Avenida Nel Oduber. Un dama manehando tras di stuur a ranca palo di lus y bay bolter. E dama a keda pega bao di e auto.
Brandweer a saca materialenwagen pa por duna asistencia pa saca e dama for di bao di e auto.
Den un situacion grave e dama a wordo transporta pa hospital. Tur autoridad tabata na sitio mientras personal di ambulance a haci nan maximo esfuerso pa brina ayudo na e dama.
