Sabana Berde/ Queen Beatrix International Airport – Diasabra anochi laat polis lo mester a intercepta un auto bahando di Green Corridor, e lo tawata yegando rotonde di airport.
Segun testigonan, e auto un Toyota Corona lo tawata coriendo masha malo mes ariba caminda.
Esnan cu a mira esaki mesora a bati alarma, debi cu den cualkier momento nan lo a premira un accidente.
Ariba rotonde di airport e la bira bay zuid, kizas e lo por a spot polis. Pero e tambe a wordo capta debi cu tawata tin hende su tras.
Polis a drenta den verboden richting y na salida parti pariba di airport a blokia e Toyota.
Na stuur tawata tin un dama cu tawata bastante bebi.
Agentenan a bahe for di auto y a trata na pone supla pero esaki a bay cu bastante dificultad unda cu na final e muhe mes a bira pa polis areste.
Diasabra anochi polisnan haciendo un bon trabou, a logra kita varios chauffeur burachi for di caminda.
Esaki ta personanan iresponsabel, cu ta subi tras di stuur bou influencia di alcohol.
Nan no sa e peliger cu nan ta trece ariba caminda, unda cu nan lo por causa un desgracia grandi pa hende inocente.
Transportwagen a wordo pidi y a transporte pa warda unda e lo wordo presenta Hulp Officier van Justitie y si ta corecto lo wordo cera pa core auto burachi.
