L.G.Smith Boulevard/ Arnold Schuttestraat – Diahuebs anochi algo prome cu 10:30 informacion a drenta di un accidente serio cerca di Seaport Casino.
Tawata trata di un accidente entre auto cu brommer.
Ariba e brommer tawata tin dos hende, un homber y un muhe. E brommer segun nos a compronde lo a bay pasa y net e momento cu e Hyundai Accent posiblemente a bay bira pa drenta e caya causando e accidente.
Debi na e impacto e dama ta esun cu a haya mayoria di golpi, unda cu e la bay for di tino. Esaki na yega di polis a haci cu nan a pensa cu e dama lo tawata den un estado critico y ta pidi pa ambulance cu urgencia.
Na yegada di Paramediconan mesora a bay atende cu e dama, cu a bin bij.E la wordo hinca den ambulance unda cu na e sitio Paramediconan a cuminsa na prepar’e pa bay Hospitaal.
E caminda dilanti Parlamento y tambe di Royal Plaza bin ariba a wordo cera, esaki debi na unda e accidente a sosode.
Polis di trafico mester a haci nan trabou y momento cu a termina trafico por a continua.
