Diaranson anochi dos ambulance y polis a bay poco pariba di rotonde Mahuma, e parti caminda cu ta bay pa Playa.
Segun informacionnan, un accidente serio a sosode y cu lo tin persona riba caminda herida.
Unidadnan cu a yega a constata cu tawata trata di un solo auto, un Daihatsu.
Na stuur tawata un dama, cu a wordo saca for di auto y keda benta riba caminda.
Ta mustra cu e vehiculo pa un of motibo a bay na su man drechi y dal duro contra cero/muraya di calichi hopi duro pa despues termina algun meter mas leu.
Door di e impacto violento, e dama a resulta bastante herida y segun testigo e tawata tin basta azeta di motor riba dje.
Un testigo cu lo a mira mas o menos locual a sosode, tawata papia cu polis di trafico. Basta partinan di e auto a keda gespart riba caminda.
