Diasabra anochi polis y ambulance a bay e crusada conoci pa accidente cu ta Weststraat y Prof.lorentzstraat, unda a sosode otro accidente cu hende herida.
Ocupante na estado
Un ocupante den e Toyota Vitz a resulta herida y a pidi ambulance pura debi cu e dama ta algun luna na estado, tambe e tawata keha di dolor na curpa.
Kia Sportage
Un persona den e Sportage despues di e accidente a baha y bandona e sitio mientras un otro cabayero si a keda atras, debi cu e lo tawata sinti dolor.
E impacto contra e Sportage tawata den e banda drechi unda e cabayero tawata sinta.
Dos ambulance a yega e sitio
Dos ambulance a yega e sitio pa atende ambos herido, unda cu e prome ambulance a sali direccion Hospitaal cu e dama.
E cabayero mes a cana subi Ambulance.
Segun nos a compronde e Toyota Vitz lo no a duna preferencia na e Kia Sportage y a subi dal den e banda drechi, locual mayoria biaha ta e caso ariba e crusada aki.
Kiko ta e motibo cu e supuesto chauffeur di e Sportage a baha y move di e sitio no ta duidelijk.
Takelwagen mester a presenta na e sitio pa move e vehiculonan.
