Surplus di gobierno a caba! Awor nan ta usa Aruba Tourism Authority como BANCO!
Comision di turismo tawata tin un reunion di comision cu Aruba Tourism Authority (ATA) pa asina ATA presenta nan corporate plan pa anja 2026 cu ta e presupuesto pa e anja aki. ATA a duna un presentacion y comparti informacion di nan vision, strategia como tambe nan presupuesto.
Loke tawata remarcabel durante e presentacion tawata e hechocu gobierno di Aruba a cuminsa usa ATA como un banco pa financia proyectonan di gobierno. Desde cu ATA a bira un sui generis nunca den historia tawata tin un line item den e presupuesto di ATA specialmente dedica pa proyectonan di gobierno.
Den e presupuesto 2026 di ATA tin e line item ‘’government development”. E suma mara na esaki ta nada mas y nada menoscu 16 miyon florin! E line item aki ta pa ATA fungi como banco y financiador pa proyectonan di gobierno.
Naturalmente durante e reunion aki fraccion di MEP a hacivarios pregunta pa haya mas informacion y claridad con por ta posibel cu ATA a presupuesta 16 miyon florin di nan presupuesto pa proyectonan di gobierno. Nos a spera cu ATA lo por a presenta tur e proyectonan cu lo mester wordo financia cu e suma di placa aki pero ATA no tawata tin informacion di ningun Proyecto y a splica loke nan a traha riba dje ta e governance structure.
Fraccion di MEP no por sostene un corporate plan 2026 di ATA cu falta informacion, cu no tin claridad y no tin transparencia. No por ta asina cu ATA ta wordo usa como un banco pa financiaproyectonan di gobierno mientras gobierno mes tin surplus di 500 miyon florin. Con por ta posibel 500 miyon florin ja caba a desaparece cu gobierno a bira asina desepera cu a cumina‘’plunder’’ e fondonan di ATA.
E fondonan di ATA mester wordo destina pa mercadea Aruba pa haya turistanan di Calidad, turistnan affluente cu ta contribui nanos economia. No por ta asina cu den e presupuesto di ATA ta crea un line item nobo pa acomoda gobierno su deseonan. Esaki ta algo cu ta empugna di e core value di ATA cu ta mercadeo di Aruba. Gobierno mes tin su presupuesta y te hasta gobierno a prepara un ley pa tin nan propio fondo di inversion y apesar di esaki ta opta pa plunder ATA su presupuesto, esaki ta NOT DONE!
Hustamente ATA a wordo converti den un sui generis pa garatinza good corporate governance y menos metementopolitico den ATA. Awe ta net contrario ta pasando, awor tur regla di good corporate governance ta wordo viola, poni un banda y gobierno ta dicidi riba e presupuesto di ATA.
E line item government development ta confirma esaki con ta gobierno ta dicidi awor riba henter e presupuesto di ATA, nan ta dicidi cuanto placa nan mester, nan ta dicidi cual line item nobomester wordo incorpora den e presupuesto, algo nunca antes bisto.
