Aruba ta cla pa ricibi parti di Campeonato U-15 di Concacaf 2025
Oranjestad, Aruba – Concacaf a anuncia e calendario oficial pa e 2025 Concacaf Boys’ U-15 Championship, cu lo tuma lugar di 2 te 10 di augustus 2025, y Aruba ta un di e tres paisnan anfitrion.
E di 5 edicion di e torneo lo tin 38 federacion miembro di Concacaf, hunto cu un pais invita: Arabia Saudita. E partidonan lo ser dividi entre Costa Rica, Aruba y Curacao:
Costa Rica lo host Liga A Aruba lo host Liga B, Curacao lo host Liga C
Pa loke ta Aruba, tur partido di Liga B lo wordo hunga na Stadion GPT Dakota, cu ta preparando pa ricibi e talentonan hoven di futbol di region.
Formato di Torneo
Tur liga lo tin su propio fase di Group Stage (fase di grupo) y despues e Knockout Stage (fase di eliminacion directo). Tur liga lo corona su propio campeon:
Group Stage: di 2 te 7 di augustus Knockout Stage y Final: di 8 te 10 di augustus. Final Liga B y C: 9 di augustus Final Liga A: 10 di augustus
Un gran oportunidad pa Aruba
E seleccion hubenil di Aruba lo tin chens pa hunga na su propio tereno, y e evento ta un gran oportunidad pa promove deporte y turismo riba e isla.
Solo di Pueblo ta desea tur ekipo exito, y nos por ta orguyoso di por host e campeonato aki, cual solamente ta posibel den un stadion renoba, certifica y aproba pa Concacaf.
