Kralendijk, Boneiro – Aliansa Hulandes pa Naturalesa di Caribe (DCNA) a lansa e prome edicion di Bionews Kids. BioNews Kids ta un revista gratis di naturalesa, imprimi y online pa mucha di 9 pa 11 aña na e seis islanan di Caribe Hulandes. E revista a wordo diseña pa promove lesamento, kishiki e muchanan pa ta curioso y pa educa e muchanan tocante e
naturalesa extraordinario y su menasanan na e seis islanan di Caribe Hulandes. Esaki pa sostene e programanan di educacion tocante naturalesa di e Organisacionnan di Maneho di Area Protegi na Aruba, Boneiro, Corsou, Saba, Sint Eustatius y Sint Maarten. E prome edicion di BioNews Kids ta contene un concurso di pintamento y DCNA ta anima tur mucha pa participa.
Sosteniendo educacion di naturalesa y concientisacion publico
Mision di DCNA ta pa sostene e Organisacionnan di Maneho di Area Protegi na e seis islanan di Caribe Hulandes. Un di e metanan di DCNA ta pa promove dunamente di informacion y consciencia publico. Di eynan a bin e prome edicion di Bionews Kids, cu ta un sucursal di Bionews (pa adulto). Bionews ta un boletin digital mensual gratis cu ta brinda actualisacion di e
ultimo noticianan tocante naturalesa cu enfoke riba investigacion y monitoreo, evento y actividad general relaciona cu ta concerni e miembronan di DCNA.
Revista multilingual di naturalesa pa mucha
Bionews Kids ta un revista componi di varios elemento cu ta disponibel gratuitamente pa hoben entre 9 y 11 años na e islanan di Aruba, Boneiro Corsou, Saba, St. Eustatius y St. Maarten den idioma Ingles, Hulandes, Papiamento y Papiamentu. E revista lo ta disponibel a traves di programa di educacion di naturalesa na e Organisacionnan di Maneho di Area Protegi. E meta di e revista ta pa promove lectura na e islanan cu un revista cu ta aplicabel na e experiencianan di e muchanan di e islanan aki cu naturalesa cu nan por topa cu ne den nan mes cura. DCNA ta presenta su mascota marino nobo di e revista, Tara the Turtle, cu lo aparece atrobe den futuro edicionnan.
Tema: lama
Pa e prome edicion di Bionews Kids, e tema principal ta medio ambiente marino. E muchanan por lesa, entre otro, tocante rif di coral, pos di marea y mangelnan cu ta particularmente specifico di algun di e islanan y tocante hopi criatura cu nan lo por topa cu nan of no. E revista tambe ta inclui actividad manera blachi pa kleur, diario di beach y puzzel. Ademas di e actividadnan aki, e lectornan por cuminsa capta palabra ambiental y uza identificacion di potret di e animalnan di lama continuamente.
Concurso di pintamento
Pa crea cuidadonan di lama cu ta rodea e isla di e lesadonan, e muchanan por participa na un concurso di pintamento cu bo ta haya den Bionews Kids. E ta bay tocante e tema “Pakico mi ta stima lama y pakico mi kier proteg’e”. E lesadonan por ta creativo den nan pinturanan y e pintura elegi lo parece den e proximo revista Bionews Kids. E revista aki ta spera di encurasha lesamento y siñamento tocante naturalesa na e islanan pa enforsa nos muchanan y sigui cu inversion den educacion di naturalesa.
Pa participa na e concurso di pintamento, e lesado mester inclui su nomber, edad, isla y number di telefon y despues manda e imagen cu bo scan di bo pintura na projects@dcnanature.org of entrega esaki na oficial di educacion di e organisacion di parke local den su respectiva isla https://dcnanature.org/nature-education/. Deadline pa entrega ta dia 18 di Maart, 2022. E anuncio di e ganado lo por wordo haya riba e website y social media di DCNA prome cu 1 di April, 2022.
Lesa BioNews Muchanan
BioNews Kids ta conta cu e generoso apoyo di Ministerio di Agricultura, Naturalesa y Calidad di Alimento (LNV) y Loteria Nacional di Codigo Postal y crea pa DCNA.
Acceso naa e revista aki:
BioNews Kids Online: https://dcnanature.org/bionews-kids/
BioNews Kids Hardcopy: comunica cu e oficial di educacion di e organisacion local di parke na su respectiva isla https://dcnanature.org/nature-education/
BioNews (adulto) – boletin digital mensual gratis: https://dcnanature.org/news/ Pa pregunta of entrevista, comunica cu projects@dcnanature.org.
