WILLEMSTAD.- Corte di Casasion a dicta sentencia den e caso di Gerrit
Schotte, ex premier di Curacao. E veredicto aki ta uno desisivo.
Schotte ya caba a sinta su castigo pa loke ta trata labamento di
placa, y corupcion, pero a keda e parti di expropiacion cu a keda
pendiente. Anteriormente Shotte a tende un sentensia cu e mester paga
bek casi 2 miyon florin of bay cera 3 aña. Corte di Cascion den e
sentencia di awe a keda para riba e punto cu Schotte mester paga casi
2 miiyon of bay cera pa 3 aña.
Dia 8 di juni ultimo abogado general (AG) Bleichrodt den corte di
casasion a yega na e conclucion cu e suma di 2 miyon florin cu
Schotte, a keda condena na dje tanto den corte di promé instancia como
den corte di apelacion na Willemstad ta keda na su luga.
Tanto den corte di promé instancia komo corte di apelacion, Schotte a
keda sentensiá den caso di expropia na paga un suma di casi 2 miyon
florin of 3 aña sera. Ta contra di e sentensia di expropiacion Schotte
a bay corte di casacion.
Dia abogado general den corte di casacion a presenta e caso, a bisa cu
Schotte a haña sumanan cuantioso di placa pa e por a hasi contra
prestacion. El’a tuma e placa cerca su bon amigo comersiante italiano.
Den e caso aki cu ta carga e nomber Babel, el’a keda condena di a tuma
“regalo”. Corte di apelacion a dicta cu ta cobra Schotte e suma di
1.844.190,36 florin.
