Sindicato SPA y su dirigentenan Solognier y Maduro a bisa recientemente cu pueblo no mester keda straña ora cu Polis bira atracador,  pa bay busca e placa cu nan a perde di Overtime. 
E declaracion aki a sona hopi pisa y no ta na su lugar.    Un polis no por rabia asina hopi,  ora cu bise cu mester reduci overtime.  
Overtime no ta un componente figo di bo salario.   Overtime ta horanan extra cu bo mester traha pa sirbi e necesidad di e departamento,   y no un exigencia pa sirbi no necesidad. 
E mentalidad robes di Mike Eman,  cu tur cos malo ta bira bon,  tur cos bon ta bira malo,  tin su efectonan riba cuidadanonan. 
Awor algun trahador tin curashi pa sali reclama overtime?   Cu si nan no haya e placa di overtime,  nan lo bay tira atraco riba pueblo, pa asina nan yega na nan placa? 
Ta kico nan a haci cu nan salario anto?   Nan a hypoteke full cu Island Finance? 
E expresionnan aki merece un disculpa na comunidad.  Nan no ta corecto y hamas un polis por haci semehante expresion.  Polis mester ta confiabel y ora un polis papia cu e kier bira atracador,  ta ki clase di hende nos tin anto como polis?  

LEAVE A REPLY

Please enter your comment!
Please enter your name here