Den consideracion 2.10 Huez a baha pisa riba SIMAR
Cu un sentencia asina, henter directica di SIMAR mester entrega nan retiro.
E sentencia di huez di 20 di april 2022 ta uno devastador pa SIMAR. Huez den un forma hopi cla a bisa SIMAR cu loke e ta hasiendo no ta bon, ni pa su miembronan ni pa henter pais Aruba. Su accionnan pa forsa Gobierno tuma desicion, ta bay tin consequencia pa henter pais Aruba y esey huez no por accepta.
Defacto Huez a bisa cu SIMAR ta irresponsabel y cu e interes di SIMAR no por pisa MAS cu e interes di pueblo di ARUBA. Corectamente huez a bati cabes di SIMAR, y ta prohibi nan pa tene accion.
Tur hende tabata wak cu SIMAR no kier rasona y tabata parce un sindicato droga bao substancia color berde.
Algun oportunista, hambra pa poder, tabata instrui SIMAR pa lanta pueblo y ocaciona drama.
E plan tabata canando bon, te ora cu mester a pidi huez pa dicta un ordo riba SIMAR cu loke nan ta haciendo, ta peligroso, cu lo por frega henter un pais.
Den punto 2.10 aki, huez ta splica TUR COS! E ta bisa duidelijk cu e desicion ta di Hulanda y Gobierno di Aruba no por hale un banda zomaar manera SIMAR ta pretende.
Cu esaki tambe, tur accion pa 12.6% a yega na su final, pasobra SIMAR no por reclama nada mas riba 12.6%, te ora cu Gobierno hunto cu sindicatonan y Hulanda yega na un acuerdo con pa elimine of remplase.
