Diadomingo anochi 10’or pasa polisnan a bay cu urgencia e Rotonde conoci di Superfood, eynan lo a sosode un accidente y aparentemente tin hende drumi ariba caminda.
Na yegada polisnan a topa cu un Jeep Wrangler color cora y dos persona.
A resulta cu no tawata trata di ningun accidente serio, sino un persona esta un dama lo a bira malo y su pareha a reacciona door di stop e auto y baha e dama pone ariba suela. Por a mira cu e dama tawata actua straño debi cu tawata keda move na un manera no comun.
Na e sitio por a tende cu e dama prome biaha “algo” asina lo a pasa cu ne, esta un supuesto ataka.
Ambulance lo a wordo pidi pa controla e dama, no ta conoci si e lo por tawata bou un of otro substancia.
