Informe cu a drenta un rato pasa ta bisa cu tin un tiramento na Brazil. E victima ta den estado critico. Nos lo informa aki rato riba e post aki.
BRAZIL:
Dialuna den careda di 9 ‘or di anochi, un biaha mas tabata tin un caso di tiramento, e biaha aki na Brazil 43B.
Un hoben masculino lo a wordo alcansa pa un of mas tiro y a keda den un situacion hopi critico. Un persona den un auto probablemente un Nissan March lo a los un of mas tiro for di un distancia y a alcansa e hoben.
Mesora a pidi pa presencia di polis y ambulance.
Varios unidad di Polis a yega na e cas, nan a cera e caminda di tera cu ta bay pa e cas, pa asina cuminsa cu e investigacionnan necesario.
Ambulance a yega na e adres y cu urgencia a transporta e victima kende ta den un estado critico pa Hospital. E ambulance a wordo escolta pa un patruya di polis.
E caso a wordo pasa den man di recherche y cu tur evidencia y informacion di testigonan, recherchenan ta buscando e persona cu a los un of mas tiro.
