Den landspakket Hulanda kier pa habri porta pa trece mas trahador di exterior y alaves kier flexibilisa ley di retiro

2816

Dialuna mainta, Premier Wever Croes a cuminza informa comunidad riba e serie di medidanan, cambionan o reformenan cu tin poni den e landspakket cu Hulanda a manda y pone como condicion.

Riba e aspecto laboral, e prome minister a informa:

  • Arbeidtijdsverkorting; por ehempel e palabracion cu nos a yega awor den sector priva, pabo haya e loonsubsidie, bo mester bay di acuerdo cu bo ta traha menos hora.
  • Deeltijdwerken; parttime
  • Contracten voor bepaalde tijd; contract di termino corto
  • Versoepelen ontslagrecht; flexibilisa e areglo di retiro
  • Flexibilisa e reglanan pa tuma trahador di exterior
  • Ilegalen bestrijden; Haci algo, actua contra di esnan cu ta duna personanan trabao cu no tin un status legal
  • Bestrijding van de jeugdwerkloosheid: Combati desempleo bao di nos hobennan

Esaki ta condicionnan cu Hulanda a pone. Algun di nann nos por bay dii acuerdo cune, otronan ta hopi delicado akinan na Aruba, y ta hopi importante pa indica awor caba na nan, con leu nos ta riba cierto di e desaroyonan aki y kico si ta acceptabel y kico no ta acceptabel.

E forma con algun donjo di trabao lo por haci mal uso di e flexibilisacion di e ley di retiro laboral, tin nos preucupa, y pesey ta cosnan cu nos tin cu papia di dje, pa esnan cu ta skirbi e cosnan aki, nan tambe compronde.

Tambe nan kier un estudio di e economia informal di Aruba, tambe nan kier pa bini un maneho mas estricto riba personanan cu no tin status legal, porcierto, pa nos flexibilisa, pa trece mas persona di exterior pa traha na Aruba.

Prome minister a bisa cu Aruba post covid, tin un desempleo enorme, y durante covid y despues di covid, nos prioridad ta pa nos propio localnan por haya trabao, kemen nos no ta bay flexibilisa nos reglanan pa duna mas permiso, es mas nos ta bay haci nan hopi mas estricto, pero caminda cu tin mester di cierto experticio, realmente cu nos no tin akinan na Aruba, eynan si nos ta dispuesto pa flexibilisa, pero no engeneral.

Prome minister a splica cu e puntonan aki ta cosnan cu ne momento aki ta papiando di dje.

Riba e aspecto economico, ta papia tambe pa stimula e clima pa inversion, stimula e clima pa enterprenuership, baha e gastonan di haci negoshi, elimina red tapes, y burocracia. Esakinan ta cosnan cu nos ta para nan tras completamente, premier Wever Croes a bisa.