Como teenager di 14 anja Ruthy a cuminsa wak partidonan di futbol den Wilhelmina Stadion .
Hopi anja pasa, cu hopi emocion. Dakota contra Estrella. Nos futbolistanan estelar di Dakota : Shon Cai Zimmerman, Jenny Loefstok y Amado Rosina.
Keeper Yubi Richardson.
Por ta mi ta bruha den nomber y fam, pero di curason a apoya nan semper te na final. Cada un, un tremendo futbolista bendiciona y special.
Nos ta comprende e wega bon y sa mira fayonan na monton di referee den e Copa Mundial e anja aki.
Hungadornan tirando nan curpa abau y lora 3 rondjie,
anto sin wordo mishi pa su contrincante. Tur cu cara llorona djies pa hanya un free kick. Referee cu no ta fluit penalty. Asina mes cu tin VAR pa un mihor bista y verifica y constata kico a pasa di berdad cu no ta wordo consulta tur ora.
Despues kier yora.
Cua team y pais cu gana lo ricibi nan criticanan y nan elogio y felicitacion.
All in all mundo fanatico a goza bon hunto un rato den gritonan di spanto emocion y alegria .
Pabien na e pais cu gana Copa mundial 2026.
Boso a drecha hopi nan beis y nan dia.
Den hopi deporte sa tin konkelmento, desacuerdo y mal contento.
Consenshi sa ta algo cu pa varios no ta existi mas.
Djies percura pa abo tin bo paz. No keda wak atras y sigi padilanti cu positivismo gradicimento y alegria, dia pa dia.
Gooooool !
Gool pa Aruba ! Gool pa Aruba cu a apoya y biba cu e partidonan di Corsouw y Hulanda den Copa Mundial. Ta nan ta nos tesoronan y nos heroenan sin igual ! E blue wave y leonnan oranjo cu a resalta !
Te aki 4 anja Dios mediante. Pa mas weganan inolvidabel y impactante !!
Ruthy Lady Ruth
Juli 2026
