Diamars anochi algo prome cu 8’or informacion a drenta na 911 cu tin un mondi na candela, e momento ey a ser papia di un mondi chikito.
Na yegada di Brandweer y despues tambe polis a resulta cu tawata trata di e deposito di e Aruba Incense tambe yama cas di censia.
No ta conoci con e candela lo a cuminsa. Locual mas tanto a kima tawata pakinan di carbon y censianan cu ta cosnan cu ta keda saca huma y por cende bek.
Dos unidad di brandweer a presenta hunto cu nan Ovd(Oficier van dienst).
Polis mester a cera e crusada un momento pa asina Brandweer por a usa e hydrant banda di panort di caminda, pues e slang lo a pasa ariba caminda.
Durante cu bomberonan tawata combati e candela, e propetarionan lo tawata para ta mira con e mercancia ta bay perdi. No ta conoci si awa of huma lo a causa daño na e tienda mes.
Segun nos por a compronde cu BFTO cu ta e departamento tecnico di polis tambe a wordo poni na altura.
