Cuminsando dialuna awor, 2 di maart 2026, Ateliers ’89 Punto di Beyas Arte Aruba ta invita bo pa un workshop interactivo di Mosaic uzando e tecnica special di Picassiette. E lesnan aki lo wordo duna pa e talentoso artista Enrita Werleman, kende tin hopi aña di experiencia y specialisacion den e arte aki.
Kico bo por spera?
Den e workshop aki, bo lo siña con pa transforma piesa di tegel y ceramica den un obra di arte 3D unico. Enrita lo guia bo paso a paso:
- Diseño: Con pa pinta y planea bo obra.
- Seleccion: Con pa scoge e colornan y formanan ideal.
- Tecnica: Con pa corta e materialnan y yena bo diseño cu pasenshi pa logra un resultado increibel.
E ambiente na Ateliers ’89 ta uno ameno y creativo, unda bo por bin siña sin mester tin experiencia previo. Tur material ta inclui den e curso, pues bo djis tin cu trece bo entusiasmo pa cuminsa crea mesora.
Detaye di e workshop:
- Fecha di inicio: Dialuna, 2 di maart.
- Duracion: Un luna (3 bes pa siman: dialuna, diamars y diahuebs).
- Orario: 6:30 PM pa 9:30 PM.
- Pa ken: Adultonan cu kier explora nan banda creativo.
- Luga: Ateliers ’89, situa banda di e crusada di Maria College na Playa.
Inscribi awe mes!
Cupo ta limita pa solamente 10 persona, p’esei no perde e oportunidad unico aki. Bo participacion ta wordo haci posible danki na e subsidio di Cultuurfonds Caribe.
Pa inscripcion of mas informacion, tuma contacto cu Elvis Lopez:
- Celular: 5654613
- Email: elvis@ateliers89.org
