Den e veredicto Wolff vs CAPA di siman pasa pa mi persona rectifica tambe ta yen di desicionnan straño.
Mi ta cuminsa cu e posición di Comision 11 cu directiva di CAPA kier tapa tur cos den e ladronisia di F 382.000,= dor di no kier duna información riba e Ladronisia grandi aki, cu ta placa di miembronan.
No tin información duna den e RGA (Reunión General Anual ) di CAPA na 2023 y ni di 2024
E juez ta scirbi cu CAPA a mustra cu informacionnan fundamental cualnan ta poni den e Notulanan di RGA (Reunión General Anual ) di CAPA na 2023 y 2024. Cu prueba mi a mustra e Juez durante e tratamento di e caso, cu den e notulanan di RGA 2023 aproba den e RGA di 2024, poni den e Revista pa e RGA 2024 no tin nada scirbi ariba e Ladronisia di F 382.000,=. Tur miembro cu a ricibi e revista aki por comproba esaki. E relato di RGA pa 2024 no a ser presenta ainda. Esaki ta sosode den e RGA 2025, cu ainda no a tuma lugar. Mi a splica e juez bon cla kico ta pasando akinan. E único notulanan di RGA ta esnan aproba den un RGA, cual pa tur hende cu sa, ta lógico tambe.
Pero ya, e Juez no ta comprende esaki, pero ta pone den su exigencia pa mi rectifica cu den e notulanan di RGA 2023 y 2024 tin debido informacion.
Loke a pasa durante e tratamento di caso ta, un miembro di Directiva di CAPA, contra tur regla a bay te na e lessenaar di Juez, cu notulanan di e RGA-nan di 2023 y di 2024, traha dor di un persona y cual notula di RGA 2023 no a ser aproba den RGA 2024 y esun di 2024 tampoco pasobra RGA 2025 no a tuma lugar ainda. E ta straño ora Juez ta acepta e notulanan no aproba y mi persona teciendo e berdad mester rectifica.
Tapamento di Cos ta hopi.
Ademas pa loke ta tapamento di Cos, hopi a sosode. Durante e tratamento di e caso den corte mi a trece por escrito y papiando hala di informacionnan concreto cu nos di Comision 11 kier sa con e ladronicia a sosode, kico a pasa. Juez no ta menciona nada . Ta bon pa mi trece encorto e caminda di cruz cu Comision 11 a pasa aden pa motibo di tapamento di cos dor di directiva di CAPA, pa e registro.
- Na 2024 nos a perde lunanan pa busca informacion di directiva, sin resultado.
- Nos a pidi directiva un reunion pa duna splicacion. No a ricibi un contesta;
- Nos a bay oficina di CAPA pa pidi e registro, e ta para den statutonan, pero nos no a ricibie.
- Nos a perde 13 luna den corte pero alfin, alcabo, a logra gana e caso pa ricibi e registro;
- Nos a perde dos luna, ya cu un sr Duijneveld, den nomber di directiva di CAPA a bisa comision 11 via carta cu CAPA a apela e caso, locual a resulta un gañamento;
- pero directiva di CAPA ta sigui bisa cu nan a apela e caso;
- Despues Comision 11 mester a paga pa nos a logra di ricibi e prueba, cu CAPA no a apela e caso. Cu e prueba nos a mustra directiva di CAPA cu CAPA no a apela e caso y cu nan ta desfuncional, pasobra nan no sa kico nan consehero huridico ta haci, por fin nos por ricibi e registro, pero e registro cu CAPA kier duna no ta cuadra cu e veredicto y ta incompleto;
- Awor e sr Duijneveld ta hunga pa Juez dor di hala directiva di CAPA un banda y bisa cu e ta representa directiva di CAPA y loke nan a ofrece Comision 11 ta keda arriba mesa y cu directiva di CAPA no ta bay perde mas tempo ariba e registro, pues ta tranca tur cos.
Pa tur hende ta bisto cu aki tras tin cosnan scondi =tapamento di cos, den e Ladronicia di F 382.000,=, E Juez ta pensa otro, ta mi persona/Comision11 mester rectifica ya cu Directiva di CAPA a duna tur información, y cu directiva di CAPA no ta tapa cos.
Un Antecedenten-onderzoek hopi straño
Den reunión General, sr M.G. Croes a puntra e Tesorero M. Brito tocante e Antecedenten-onderzoek y hopi a tende cu e Tesorero a bisa cu “esey a skip nan”. Den corte, según e Juez, Directiva di CAPA ta bisa cu esey nunca a sosode y e Juez a bisa cu Wolff no a duna mas splicacion profundo pa defende e ponencia di sr Croes. Juez ta bisa den punto 4.18 cu e abogado di CAPA ta duna Juez un antecedenten-onderzoek di e principal persona envolví den e ladronicia di F 382.000,=, Sra Jacopucci di september 2022. Juez a bisa tambe “niet is gebleken dat Wolff ten tijde van de publicatie van dit artikel over deze informatie beschikte, vormt het een sterke aanwijzing dat er wel een antecedenten-onderzoek is gedaan”
Di con e asunto aki ta mustra fishy?. Normalmente y correctamente un antecedenten-onderzoek ta sosode ora un persona ta drenta den servicio. Den e caso aki , sra Jacopucci a drenta servicio di CAPA na 2021 o 2020.
Loke e Juez a scirbi ta cu e antecedenten-onderzoek ta di september 2022, esta después cu e ladronicia di F 382.000,= a sosode, na inicio di 2022. Juez a ricibi e antecedenten-onderzoek durante tratamento di e caso y normalmente, e contra-partido den corte, esta Wolff tambe mester a ricibie, pero no a sosode.
Lastimamente Juez no a capta cu e antecedente-onderzoek ta di september 2022, esta después di e ladronicia. Si Wolff a ricibi e antecedenten-onderzoek, ami si ta spierto y lo mi a bisa Juez cu e cos aki ta FISHY. Na Hulandes, “mosterd na de maaltijd” Pero Juez si ta uzele como referencia pa castiga Comision11/mi persona cu un rectificacion. Esaki ta HOPI MAHOS.
Abogado di CAPA a bisa dilanti di e juez cu e ta bay manda mi persona e antecedenten-onderzoek di september 2022 di sra Jacopucci. Te awe mi no a ricibi nada, apesar di varios email manda na mr Emerencia pa e cumpli cu su palabracion den corte.
Tocante e 7 casonan y e caso huridico perdi dor di CAPA, contra un banco local.
Comision 11 a declara den e comunicado cu tin 7 casonan contra 7 persona enolvi y e caso perdi dor di CAPA contra un Banco, cu Comision 11, tambe miembronan no a ricibi información ariba e casonan aki. Comision 11 ta bisa cu e informacionnan aki y e veredicto a sali for di e abogado di CAPA den otro caso vs directiva CAPA.
Juez ta bisa cu Wolff/Comisión 11 a trece un “onvoldoende feitelijke onderbouwing” pa e caso contra e banco, di información arriba 7 casonan, según e Juez ”ontbeert naar voorshands oordeel dus feitelijke grondslag”, despues fácilmente ta bay over pa Comisión 11/Wolff Rectifica. Juez no ta comprende cu e placa horta di F382.000,= ta di miembronan y directiva di CAPA tin obligación di duna información, pero no a duna nngun información arriba e casonan aki. Comision 11 a pone e asuntonan aki den e comunicado pa directiva aclaria kico ta pasando. Esaki fácilmente y simplemente por sosode semper dor di directiva di CAPA pa yama un reunión General informativo pa tur miembro, yama den termino cortico di un o dos siman. E problema grandi arriba e asunto aki ta keda dunamento di información. Miembronan cu ta doño di e placa horta, no ta ricibi información adecua, cual ta causando inkietud.
Papia berdad a bira un delito, impunidad a bira ley.
Den punto 4.15, di e caso di SEPPA vs Wolff, splica parcialmente den e comunicado anterior.
Nos acusación cu for di 2016 no a tene elección. Directiva di SEPPA ta bisa cu durante e añanan ey, di 2016 pa juli 2025 nan a tene “dos” elección.
Juez den punto 4.15: “SEPPA heeft die stellingen gemotiveerd weersproken. Zij heeft aangevoerd dat er in 2014 en 2025 legitieme verkiezingen hebben plaatsgevonden”. Pues Juez y SEPPA a confirma cu entre 2016 y juli 2025 no tabatin elección. Mi a splica e Juez tocante e dos eleccionnan: E elección di 2014 tabata, cu pa motibo di falta di tempo y candidato, na final di november 2013, pa varios motibo a para e congreso 2013 pa e sigui den 2014 y tene elección. Mi persona tabata den directiva di SEPPA. Pues den e congreso anual di 2014 no tabatin elección. E elección di juli 2025 ta contra e statutonan di SEPPA, 11 juli 2025 no tabatin Conreso anual. Según articulo 10 y 15 di statutonan, durante congreso anual ta tene elección pa directiva y secr. Gral. 11 Juli 2025 no tabatin congreso. Ta bon pa menciona cu na 2014 e presidente eligi a tuma su retiro y a keda 4 persona den directiva cual según reglamento interno no por.
E posición di Comision 11 cu desde 2106, mester bira , desde final di 2014, ni después, tabatin eleccionnan legal den SEPPA.
E parti aki ta e base di tur e acusacionnan di Comision 11 den e comunicado. Di con? Pasobra no tin directiva y consecuentemente tur e tareanan describi den statutonan di SEPPA cu directiva mester cumpli cu nan, tur aña, for di 2014, no a ser haci: Supervision y control arriba e maneho di Comité Ehecutivo , Checks and Balance, Decharge na Secretaro General y Tesorero. Casi tur mester bay Congreso . Esaki ta e violacionnan di Statutonan di SEPPA, cu e comunicado di Comision 11 ta papia bon cla ariba e situación den SEPPA. Si suma nan tur, nan ta surpasa 50. Mas claro no canta un gayo.
Tur e berdadnan aki mi a trece den corte, pesey mi a comete un delito y mester rectifica.
Pues SEPPA tin un directiva cu no tin valides y un Secr.Gral M. Brito, kende a ser reeligi na 2013, después no mas. Awor pa tur hende, specialmente Trahadornan pensa y duna nan opinión, si e Secretario General ta legal of no! Tambe como líder máximo di SEPPA pa 25 aña, si e ta culpabel pa tur e violacionnan di statutonan Y Reglamentonan Interno of no . Si e mester ricibi castigo maske ta leve o keda goza di impunidad y wordo defendi pa ley.
Ta bon pa trahadornan cu ta e parti grandi di pueblo di Aruba pensa arriba e informacionnan aki.
Gregorio Wolff
