Den e conclusion di su relato publico, e abogado y ex-parlamentario Desiree Croes a reflexiona riba su experiencia y e prijs di keda para pa bo principionan. El a expresa su decepcion cu algun di su ex-coleganan di partido, specialmente e damanan den fraccion cu el a yuda semper pa nan ricibi miho number riba e lista. El a bisa cu maske e tabata wordo “afgestraft” pa su actonan, esaki no ta un problema p’e, pasobra e ta keda para pa su conviccionnan.
Croes a enfatisa cu, como miembro di Parlamento, su pensamento tabata semper pa representa e pueblo di Aruba sin distincion. El a bisa cu e no ta kere den discriminacion basa riba color di cuero, nacionalidad, genero, of orientacion sexual (“ken bo ta stima”). El a bisa cu el a para pa e principionan aki y cu el a paga un prijs halto p’esey.
Ademas, Croes a tuma nota di e silencio di esunnan cu ta sa kico a pasa, pero cu no ta sali pafo pa papia. El a bisa cu aunke el a defende e lider di partido Mike Eman, el a haci esaki sin spera lealtad na cambio, ya cu e no ta spera di otro hende. E unico lealtad cu e ta spera ta di su rumannan.
Na final di su video, el a bolbe elogia Mike de Meza y su famia, yamando nan “tremendo hende,” y a expresa su satisfaccion di por a conoce nan mas di cerca.
