Den e ultimo parti di su relato publico via video riba Facebook, e abogado y ex-parlamentario Desiree Croes a reflexiona riba su capacidad, su futuro y a lansa un mensahe cu ta insina riba un posicion den politica. El a cuminsa su video, expresando su decepcion cu e situacion rond di “Gevmin”, un tema cu, segun e, a motiv’e grandemente pa bolbe activa.
Croes a subraya su experiencia amplio como docente, abogado, ex-director di Arubahuis, y ex-parlamentario. E tambe a enfatisa su conocemento profundo di e politica di Hulanda y su red di contactonan, incluyendo varios “statenleden” y “Tweede Kamerleden.”
Sinembargo, el a bisa cu tur cos ta pasa pa un motibo, y cu e ta contento cu e mester a keda na Aruba durante e ultimo lunanan. El a termina su relato cu un mensahe y hopi metafora, indicando cu aunke el a bisa cu e no por bisa unda un funcion lo por wordo “hinca,” e por bisa si cu “e luga eynan ta hopi grandi y tin hopi luga pa hinca,” kisas insinuando riba un futuro rol grandi den e politica di Aruba.
