Personal di Gabinete di Aruba recientemente tabata invita na oficina di ATA Europa pa un brindis y pa di e manera aki tuma despedida di Tirso Tromp como director di ATA-Europa. Alabes a cera conoci cu e director nobo di ATA na Europa Carl Quant. Tirso ta regresa pa Aruba y a keda nombra como Senior Business Manager na ATA.
Minister Schwengle a gradici Tirso pa tur e añanan cu ela ocupa e funcion di director di oficina di ATA na Europa. En especial e bon cooperacion cu semper e tabata tin cu Gabinete di Minister Plenipotenciario. Minister Schwengle a desea Tirso tur clase di exito den sigi desaroya e mercado turistico for di Europa den e funcion nobo aki y a vocifera e confiansa y e deseo pa continuacion di e bon cooperacion.
Na e director nobo minister Schwengle a desea su persona hopi exito den e retonan pa trece mas turista Europeo na Aruba.
