Diadomingo anochi den cardeda di 9’or a sosode un accidente serio di quadracer riba e caminda di Sero Alejandro.
Polisnan a bin topa cu un quadracer gebolter e manehador riba suela y un cura di cas kibra.
Mesora a pidi pa ambulance, mirando cu e situacion di e manehador ta serio. Te hasta na prome instante a papia di un accidente fatal.
Na e sitio nos a papia cu un testigo.
E la conta cu tawata biniendo pariba, esta riba e caminda di Savaneta y a mira e manehador altura di Lydia’s Kitchen cu e quadracer. Parse e lo tawata tin problema cu e quad.
Algun rato despues e testigo bayendo su cas, pasando riba e caminda di Sero Alejandro mester baha velocidad, debi cu quadracer lo a pase cu velocidad halto.
Despues e ta mira cu e manehador a accidenta y tawata mustra hopi serio.
Paramediconan cu a presenta mesora a cuminsa traha cu ne. Y dado momento a pidi polis pa escolta nan pa Hospitaal, debi cu e situacion di e manehador a empeora rapidamente.
Polis na su turno mester a tene tur e camindanan druk unda e ambulance mester a pasa cera un rato, pa asina e por a yega Hospitaal mas lihe posibel.
Pues den un situacion critico e manehador a yega Hospitaal.
