E homber aresta diahuebs anochi na IJsselmonde, Rotterdam, pa su supuesto participacion den e tiramentonan cu a sosode den e zona aki di e ciudad, ya a wordo controla pa polis durante atardi. N’e memento ey, no tabatin motibo suficiente pa detene, ya cu e no tabata cuadra completamente cu e descripcion brinda, segun e hefe di polis di Rotterdam, Fred Westerbeke, a declara den un conferencia di prensa diabierna mainta.
E individuo a wordo deteni pa 7’or di anochi den un tienda, despues di a ricibi un pista. Polis a verifica su identidad y a saca potret di dje. “Danki p’esaki, mas laat a confirma definitivamente esun cu nos tabata buscando,” Westerbeke a comenta.
A identifica dos vivienda caminata e sospechoso por tabata, und cu polis a drenta simultaneamente diahuebs anochi. E homber a wordo haya den un cas na Emelissedijk, caminda cu tambe a haya un arma di candela. “Parce cu esaki tabata e arma uza den e tiramentonan,” Hugo Hillenaar, di Ministerio Publico, a bisa.
E detenido ta un homber di 24 aña, naci na Corsou y cria na Hulanda, sin residencia fiho. Anteriormente el a wordo acusa pa horta un scooter y siendo menor, a ricibi medida di reeducacion hubenil y trabao comunitario pa varios robo. Dialuna e lo wordo presenta dilanti hues pa tres cargo di asesinato y posesion ilegal di un arma di candela.
Diferente victima
Den e ultimo dos simannan, tres homber a wordo tira mata na IJsselmonde, fayeciendo pa motibo di nan heridanan. Dos di nan a wordo alcansa na nan caves. E victimanan tabatin 63, 58 y 81 aña. Ministerio Publico ta considera cu nan tabata “random victims”.
Durante e di tres occasion, a obtene imagen di miho calidad cu den e prome dos incidentenan. “Nos tabatin rason suficiente pa pensa cu tabata tratadi e mesun tirado,” Hillenaar a afirma.
P’esey, Ministerio Publico a dicidi difundi un potret nobo di e sospechoso, mas reconocibel y a ofrece un recompensa di 30 mil euro pa informacion cu por a conduci na su aresto. E colaboracion di e ekipo di inteligencia criminal a contribui n’e captura di e sospechoso.
Dialuna tambe a wordo aresta un hoben di 20 aña fo’i Amsterdam bao sospecho di ta envolviden e prome dos tiramentonan. “Ainda nos ta investigando su rol exacto” Hillenaar a comenta, añadiendo cu no ta kere cu e tabata e tirado, pero si cu tabata envolvi.
Alivio na IJsselmonde
E bisiñanan a express nan alivio p’e aresto. “Specialmente p’e adultonan mayor, pasobra nan tabata ataca nan di trincion,” un habitante a comenta.
Un muhe di e zona a manifesta cu e tabata preocupa pa su tata y su welo debi n’e peliger. “Tin un caminda aparta tras di nos cas unda cu mi tata tabata sa pasa. MI tabata bis’e: “Bay otro caminda.”
Den e shopping mall, un homber grandi tabata spera cu e detenido tabata realmente e autor di e tiramentonan. Ainda e tabata observa cu cautela ora e cana riba caya. “Pasobra aki e tabata pasa cerca di algun mata y awo ainda ta trempan mainta.”
