Diasabra anochi autoridad a duna ordo na un chofer pa stop, pero e auto a sigui core y a start un persecucion te na un cas na Olijfistraat. Aki autoridad a spot Nigel Williams cu lo a baha for di auto y a bay sconde den e cas.
Williams ta busca pa polis desde dos siman pasa unda mester duna cuenta riba un problema cu a tuma lugar na Azia Restaurant, unda Kevin Wever tambe ta envolvi of tabata presente.
Segun nos por compronde cu algun siman pasa recherche Muller a pidi Nigel pa entrega su mes, pero esey parce no a sosode.
Autoridad a pidi permiso di e habitantenan di Olijfistraat pa por a drenta paden y asina nan a encontra cu Nigel paden di e cas. El’a keda deteni. E caso di pelea na Azia ta bao investigacion y no por descarta cu mas interogacion lo sigui tuma lugar.
