Pa motibo di Covid-19, for di 2019, No tabata tin campamento mas, campamento durante Semana Santo ta un tradicion pa hopi decadanan largo na Aruba. Famianan y amigonan etc. ta pasa e Semana Santo campando banda di lama.
E aña aki por nota cu menos hende campando compara cu anteriormente, tambe ta mustra cu e lugarnan destina pa campa a bira mas limita. Ainda nos por corda un Eagle Beach di punta pa punta cu tentnan, trailernan etc. Esaki no ta wordo permiti mas.
Cu aña gobierno a introduci varios regla y tambe a cuminsa exigi permiso pa campamento, cu ta wordo controla pa polis.
E tentnan y trailernan cu ta wordo uza pa campa mester ta den bon condicion, nan mester wordo poni por lo menos 10 meter for di e orilla di lama y nan mester wordo poni por lo menos 5 meter for di e caminda publico. E aña aki bou ningun forma ta wordo permiti pa reserva tereno pa campamento.
E temporada di campamento a inicia diadomingo 10 di april 2022 y ta caba 24 di April 2022.
Polis ta pidi tur poseedo di permiso pa corda mantene boso na e reglanan. Durante campamento Polis lo controla tur sitio di campamento y ranchonan, Si no ta cumpli cu reglanan polis por kita un obheto of revoca permiso.
Un otro regla importante ta cu ta prohibi pa comparti permiso, permiso no mag wordo pasa pa otro persona. Tambe e Permiso mester ta un caminda visibel pa polis por mira.
E poseedo di permiso ta keda responsabel pa cualkier daño na otronan debi na e existencia di su tentnan/ trailernan of otro obhetonan.
Ariba santo blanco di e beachnan no ta wordo permiti pa haci B.B.Q. Na otro parti solamento por haci B.B.Q. cu B.B.Q. pit di gas.
Tentnan trailernan y otro obhetonan cu ta wordo uza pa campa no por wordo poni riba otro lugarnan cu ta e lugarnan cu ta destina pa esakinan y cual lugarnan a wordo destina pa Gobierno.
Algun imagen di comienso di e campamento 2022
