Pa algun dia caba tin informacion ta circula cu tin cosnan irregular ta sosodiendo den AVB. Rumornan cu ta circula riba caya ta menciona cu placanan ta wordo saca for di e bond di deporte pa asuntonan cu no ta regarda e deporte. Den investigacionnan cu a tuma lugar y kehonan cu a wordo entrega, recherche a bay over na detene secretario general, R. Geerman, bao sospecho di falsificacion di documento unda a saca cierto beneficionan.

E caso ta bao investiagacion keto bay y mucho informacion no por wordo duna. E portal di Noticia Masnoticia a haya confirmacion di Ministerio Publico riba e detencion aki. E caso lo sigui bao investigacion. E detencion di e secretario general a tuma lugar diaranson atardi. Un fuente na altura a confirma SOLO DI PUEBLO cu e falsificacion ta cana man den man cu malversacion di placa cu a bay den direccion y uso incorecto.

LEAVE A REPLY

Please enter your comment!
Please enter your name here