Avestrus

Den un comunicado di prensa di Ministerio Publicio diabierna atardi, nan a informa lo siguiente;

Diaranzon 26 mei 2021 e sospechonan O.B.S. ( Benny) y C.M.C.H. ( Claudia) a keda deteni.

Benny ta wordo sospecha di a comete varios hechonan castigable entre otro, soborno (omkoping), abuso di cargo (ambtsmisbruik), labamento di placa (witwassen) y participacion na un organizacion criminal (deelname aan een criminele organisatie).

Su casa Claudia ta wordo sospecha di labamento di placa.


Diabierna despues di merdia huez-comisario a trata e detencion (verlenging inverzekeringstelling) di e dos sospechosonan aki.
Tur dos, tanto Benny como Claudia, lo keda den detencion pa awor na interes di e investigacion.

Ademas huez-comisario a trata awe despues di merdia e peticion entrega dor di Ministerio Publico tocante detencion di e sospechoso P.Th.A.S. Pietje Sussebeek.

Huez-comisario a duna ordo pa detencion (gevangenhouding) di S. y a dicidi cu e sospechoso aki tambe lo keda den detencion pa awor. Riba peticion di Ministerio Publico huez-comisario a suspende detencion den e casonan contra e sospechosonan F.F.A., F.P.E. en M.L.A. mara na condicionnan. Banda di condicionnan general, huez-comisario a pone como condicion especial cu e sospechosonan ta prohibi di tin contacto cu cierto personanan y cu nan mester coopera cu e investigacion.

LEAVE A REPLY

Please enter your comment!
Please enter your name here