Diadomingo pasa, e di 7 edicion di Diabetes Run & Walk a tuma lugar unda a spera 1.500 participante durante e ultimo careda di aña! E evento, cual a tuma lugar riba 10 di november, organiza den honor di Dia Mundial di Diabetes, a yega su capadida maximal un dia prome y a yuda pa asina recauda un total di 15.000 florin pa Jump18, bou liderazgo di Dr. Jamiu Busari.
Apesar di awasero, e energia y determinacion di cada participante a demostra su mes entre multitude di hende, mustrando hempel di un comunidad firme y comprometi na trece concientisacion na diabetes y promove un estilo di bida mas saludabel. E careda tabatin diferente categorianan tanto di adulto como di muchanan.
Un palabra grandi di danki ta bai na tremendo sponsornan: Botica di Servicio, CMB NV, Healthy Lifestyle Center Aruba, and Subway, kende a haci e evento aki posible y a continua dunando apoyo pa e mision di prevencion y maneho di diabetes. Tambe nos ta sumamente agradecido cu Patrishi Sports pa nan tremendo trabou den e tracking y raportando di e resultadonan di e careda, haciendo e experiencia di agradado pa nos participantenan.
E fondonan aki ta yuda Jump18 pa asina expande nan programa, dunando mas mucha e oportunidad pa siña adapta un estilo di bida mas saludabel y curasha nan pa haci cambionan positivo. E team di Jump18, hunto cu apoyo local, a cora tambe como grupo cu gran entusiasmo, mustrando cu un estilo di bida activo ta posibel pa disfruta.
Danki na cada participante, boluntario y soporte cu a haci e evento aki inolvidabel y impactante. Botica di Servicio ta continua cu e tradicion aki pa otro aña, sea cu of sin awasero, mientras nos traha hunto pa combata diabetes den nos comunidad.
