25 di Januari 1938 a nace un baby boy,
mas laat den bida e ta wordo conoci,
como Betico Croes, e homber di pueblo.
Despues di su morto nombra como nos Libertador.
25 Di Januari ta un dia pa celebra,
nos ta recorda e bida di nos luchador.
Riba e dia aki un pueblo ta uni,
gozando y celebrando su fecha natal.
Awe lo tawata su di 88 aña si e tawata na bida.
Tawata manera ayera cu Betico a habri su halanan
y a bay laga nos. Pero di berdad e la bay laga nos?
Unda cu bo bira ta resalta algo di Betico henter aña.
Yen di emocion ariba Plaza Betico Croes.
Nostalgia den caya Gilberto F. Betico Croes.
Tin 3 punto cardinal na unda por mira standbeeldnan di Betico.
Sin conta alegria ariba plaza Status Aparte.
Na Mei 1998 a proclama,
Betico Croes como nos Libertador.
25 di Januari a bira oficialmente
un dia Nacional, su fecha natal.
Su musica
Cu acordeon den man Betico a lanta su grupo.
Dande tawata su pasion pa yega na su pueblo.
Awe su nomber ta resona tur caminda
como Grupo di Betico! Ay Nobe!
Su mensahe
No laga niun obstaculo ta un excusa pa nos libertad.
Orguyo ta esun cu ta biba liber den propio cas.
Fe y speranza no mester perde nunca den bida.
Nos Tata tin algo mihor pa nos pida baranca.
Su sclamacion
Cu honor y dignidad laga tur cu tin bon
boluntad y amor pa patria
sigui conserva y preserva nos libertad,
“cueste loke cueste”!
Amen
Poema historico scirbi pa Melinda A. Wouter
en conhunto cu Betico Croes
Ariba 20 di Januari 2026
