Roland Tuitt y su amigonan di Hunta Supervision di Fundacion Lotto pa Deporte mester stop di hunga cu hende su nomber. Stop di defama hende, si no bo ta haya bo den Corte y/o Ministerio Publico.
E cuenta anual 2019 audita di Lotto pa Deporte traha door di Roland Tuitt tin diferente asuntonan cu no ta claro y straño. Ban analysa e asunto aki den profundidad. Riba pagina 36 di e cuenta anual (jaarrekening) 2019 ta mustra firma y aprobación door di solamente 3 miembronan di Hunta di Supervision di Lotto enbez di y 5 miembro. Si compara e cuenta anual (jaarrekening) 2019 cu esun di 2013 mester bisa cu e cuenta anual (jaarrekening) 2013 a wordo traha basa riba reglanan internacional, esta IFRS (‘Big League’) y esun cuenta anual (jaarrekening) 2019 ta basa riba reglanan mas suave, esta IFRS-SME (‘Minor League’).Tambe e declaracion di accountant independiente pa cu cuenta anual (jaarrekening) 2019 no ta uno clean sin observacion (commentario).
Den e cuenta annual 2019 ta para riba pagina 23 cu Lotto tin cuentanan di banco coriente (‘currentaccounts’)pa e suma di Afl. 885.433 final di 2019. Loke ta remarcabel ta cu e cuenta coriente di gerencia na cierto banco tawata na september 2019 “rood” mas cuAfl. 1 miyon florin (debe). Pregunta clave ta con e cuenta aki cu su “rood” a wordo presenta den e cuenta anual 2019. E cuenta aki di banco lo a wordo conta (‘netting’) hunto den e otro cuentanan coriente di banco cu no ta den ‘rood’enbez di mustr’e como un debe separa na bancona final di 2019.
Lotto pa Deporte no ta cumpliendo cu tur e condicionnan di fiansa di Afl. 17 miyon pa cu Gobierno di Aruba, esey kiermeen legalmente e fianza aki mester wordo presenta como debe riba plazo corto enbez di plazo largo. Un parti di e condicionnan di e fianza ta poni riba pagina 25. Lotto no tin placa pa por paga e fianza na un manera sostenibel door cu den e contracto cu CBN di 2011 nada a wordo regla.
Durante 2019 Lotto a conoce 2 director, uno statutario basa riba sentencia di Corte y uno no statutario nombra door di e Hunta di Supervision actual. E ultimo aki ta RolandTuitt. Esun di mi persona a pasa via payroll cu contracto pagando asina loonbelasting, premie AOV/AWW, premie AZV y pensioen y e otro ta di Roland Tuitt cu no a pasa via payroll pero como consultant via RS Tuitt CPA N.V.
Loke ta hopi remarcabel ta riba pagina 32 di e cuenta anual 2019 pa cu subsidio di sport (‘GrantsSports’) ta referi na un ‘memorandum of understanding’ di 2012 cu Sport subsidiecommissie. Legalmente Sportsubsidiecommissie no ta existi mas. Loke tin ta e Stichting Sportsubsidie Aruba. E conclusión ta cu Roland Tuitt como actual director di Lotto pa Deporte tin hopi cos di splica pa cu e cuenta anual 2019.
Pesey mes ta na su lugar pa bini mas pronto posibel un investigacion profesional riba e maneho di Lotto pa cu asunto di deporte, debe/fiansa y cumplemento di statuto 2017 pa asina determina e posibel responsabilidad y culpabilidad di e actual Gerencia y Hunta di Supervision di Lotto. Den e caso aki mester corda riba e sentencia civil na Corsou di dia 25 novmber 2019 (Cur 201800860) den cual Corte a sentencia cierto ex miembronan di directiva di Stichting Bureau Ziektekosten Voorzieningen (SBZV) pa paga Ang. 4.424.862,37 sin interes na e fundacion pa e mal maneho hiba. E sentencia ta conoci como e vonnis di “mondkapjes” (tapaboca).
E partido politico mas grandi den gobierno ta papia di integridad. Mescos tambe esun partido masgrande den oposicion. Mi ta kere a yega e momento cu e partido cu a nombra e hendenan aki den e Hunta di Supervision di Lotto pidi nan pa tene honor na nan mes y retira boluntariamente. Tambe mi ta spera cu e proximo gobierno di Aruba traha cu profiel y screening ora di nombra hendenan den entidadnan di gobierno manera NV, Fundacion y “zelfstandigbestuursorgaan (ZBO)” den cual integridad mester ta central. Kizas Lotto pa Deporte no ta e tematica mas importante pa eleccion 2021, pero mi ta sigur integridad si, banda di economia y salud (mental).
Di-Stefano Wernet
746-4169
