Aruba Astro Research Int. asociacion nacional arubano di astronomia y miembro afilia di e asociacion di federacion di astronomonan amateur y profecional AL Astronomical Leaque pa medio di su presidente y astronomo di Aruba Astro Research Int. y representante oficial pa cu e tereno di astronomia na Aruba ta informa cu Diasabra Dia 29 di April 2023 ta Dia Mundial di Astronomia pa cual Aruba Astro Research Int. y su fundador y presidente Sr.Marcos Bislip ta maneha y dirigi e tereno di astronomia oficialmente aki na Aruba.Aruba Astro Research Int. ta felicita tur astronomonan y stargazers y otro voluntarionan cu ta dedica nan mes na e tereno di astronomia tur dia y tambe na discubrimientonan nobo di nos universo y mas ainda na e parti informativo y educativo.Dia Mundial di Astronomia ta un dia special pa nos por reflecciona ariba e importancia pa cu e tereno di astronomia usando tecnologianan avansa pa por discubri mas di nos universo na unda e telescope espacial Hubble Space Telescope tabata e prome telescope cu a discubri masha hopi imagenan di galaxianan y otro partinan importante cu ta existi den nos universo y awor cu e James Webb Space Telescope logrando un avance hopi mas grandi cu e tecnologia di infrared den espacio y na un distancia di 1.5 miyon di km den espacio leu for di nos planeta tera.Na Aruba nos conoce mas tanto un optical telescope dos tipo reflector cu Galileo a usa y refrector di Newton usando spiel awendia tur ta full automatico cu motor y full computarisa aparte di esei tin tambe radio telescope usando antenna y dish antenna, tambe nos conoce e tecnologia di x-ray telescope, infrared telescope, solar telescope un telescope cu ta observa y studia e solo so asina tin hopi mas tecnologia den telescope y cu e avance den tecnologia di telescope espacial y tambe ground telescope na Chile ta yuda pa discubri mas galaxia y universo y tambe planetanan nobo y hopi mas.Eventonan grandi cu nos ta cubri aki na Aruba ta mas tanto e eclipse total y parcial di solo como tambe di luna, pasada di cometa y yobida di meteoronan por mira e Milky Way, planetanan y planetanan den aliniacion, ocultation y studia e solo.Meta principal di Aruba Astro Research Int. ta pa traha na bienestar di e treno di astronomia aki na Aruba y informa y educa comunidad mas tanto y tambe pa sigi duna un aporte grandi na educion na scol pa cu e tereno di astronomia aki na Aruba y pa tur esnan cu ta gusta e tereno di astronomia sea individual of organiscion, club of fundacion pa por traha cu nos asociacion pa asina den un union cu respet y balor na otro pa asina engrandece e tereno di astronomia mas tanto posibel pero semper respetando y balorando esnan y instancianan cu a bin prome y cu ta maneha y dirigi e tereno di astronomia aki na Aruba.E cooperacion di medianan scirbi y audio visual ta di importancia pa asina sigi promove y engrandece e tereno di astronomia na Aruba y mustra mundo cu pa chiquito nos por ta como isla nos tambe por.
Atentamente,
Marcos Bislip Presidente di AAR
