E fecha aki ta ideal pa nos reflecciona riba e importancia pa demonstra nos stimacion na esnan cu ‘limitacion’ door di Inclui y nunca Exclui.
Como cu e fecha importante aki ta asercando, Fundacion Sea Bunita Sea Bo Mes, a percura pa un anochi di celebracion caminda a demonstra den un forma elegante cu cada persona cu limitacion ta “INCLUI y NO EXCLUI”
Personanan cu limitacion den mayoria di caso, ta wordo teni den ‘sombra’ of asta ‘scondi’
Y pa demonstra cu personanan aki ta ‘stima’ recientemente Fundacion Sea Bunita Sea Bo Mes a percura pa un anochi di ‘elegancia’ caminda e personanan aki ‘elegantemente bisti’ a cana huntu cu nos ‘lidernan prominente den nos comunidad’ riba pasarela ( catwalk ) demonstrando di e forma aki berdadero ‘Inclusion’.
Ademas durante e anochi aki, esnan cu ‘limitacion’ a logra presenta nan show di baile, y canta nan propio composicion pa e temporada di fin di aña.
Cu e ‘Show’ aki tur ‘esnan cu limitacion’ por a sinti cu nan tin ‘Inclui y No Exclui.’
Riba imagen por admira e differente lidernan prominente den nos comunidad cana riba e ‘catwalk’ den ballroom di Renaissance. Na tur esnan cu a dicidi pa ‘Inclui nos hendenan cu limitacion’ cu a yuda contribui na un sociedad mas inclusivo, cual ta yuda crea un sociedad cu mas progreso social.
