E aña aki, Organisacion Mundial di Salud (WHO) ta uni su mes na e celebracion aki bou e lema «Un dia pa nos tur». E intencion ta pa crea consciencia tocante discapacidad como parti di e condicion humano, caminda culakier individuo por wordo confronta cu discapacidad. Hopi hende rond di mundo y na Aruba mes, ta experiencia un tipo di discapacidad temporal of permanente den algun momento di nan bida. #UnDiaPaNosTur ta genera empatia pasobra niun hende ta garantisa cu discapacidad no lo bati na su porta. Ban ta mas tolerante y keda disponibel pa satisface e necesidadnan di tur persona cu discapacidad, esaki ta e yamado di Departamento di Salud Publico Aruba pa e aña aki.
