DIA DI OBRERO
UN DIA PA REFLECCIONA
RIBA BO BON TRABAU DESPLEGA, DEN UN TEMPO
CORTIKO OF DURADERO
DIA DEN DIA AFOR
BO TA TRAHA DURO CU AMOR PA BO FAMIA POR TIN TUR COS CU MESTER
CUMINDA RIBA MESA
PANYA PA BISTI
UN BUKI PA LESA
GRADICIMENTO PA SINTI
UN MENTE DI UN GUERERO DI PAZ
CAPAS DI DUNA UN MAN NA BO PROHIMO RUMAN
TRABAU TA PROGRESO
PROGRESO TA TRABAU
TUR RAMO Y TUR AREA
TA LANTA MAINTA TEMPRAN
MANERA TERA TOPA LAMAN
MANERA E TRONCON DI KIBRAHACHA
LANTA SPARCHA
LANTA PA SCUCHA Y DUNA INFORMACION
DUNA LES OF SCAPA UN BIDA PA POR STIMA
TRAHA DEN CONSTRUCCION
OF DEN UN OF OTRO FUNDACION
TRABAUNAN MUCHO HOPI PA MENCIONA
PA UN SALARIO CU TIN CU INSPIRA PA CUBRI GASTO
Y MOMENTONAN DI PLASER PA RELAHA
PABIEN NA NOS OBRERONAN
DANKI PA BOSO BON TRABAO
DANKI PA TRAHA CU BON ENERGIA Y RESPET
CU AUTO OF BUS BIN ABAO
PA SIRBI TURISTANAN EXIGENTE
CORDA TUMA BREAK , TA ALGO NECESARIO Y URGENTE
PA RECARGA E BATERIA HUMANO CU MAS ENERGIA
PA BOSO TAMBE GOZA BOSO DIA CU SALUD Y ALEGRIA
DUNA SERVICIO CU UN SONRISA BUNITA
Y TENDE E BIENTO TA SUPLA Y GRITA !
DIA DI OBRERO TA DI NOS TUR !
RUTHY ” LADY RUTH”
MEI 2025
